Сайтка кириу

РАЙОНЛЫҚ КЕҢЕСТИҢ БЕСИНШИ СЕССИЯСЫ

Бүгин Шымбай  районы ҳәкимлигиниң үлкен мәжилислер залында Халық депутатлары  Шымбай  районы Кеңесиниң  бесинши сессиясы болып өтти.  Сессия жумысына Өзбекстан Олий Мажлиси Сенаты ағзасы, Өзбекстан Жаслар аўқамы Қарақалпақстан Республикасы Кеңеси баслығы Абатбай Данияров,Қарақалпақстан Республикасы Ишки ислер министири А.Темирханов,район ҳәкими П.Ещанов,Халық депутатлары районлық Кеңес депутатлары, төрт сектор басшылары, мекеме, шөлкем, пуқаралар жыйыны баслықлары қатнасты. Күн тәртибинде «Өзбекстан Республикасы Президентиниң 2020-жыл 23-апрель күнги видеоселектор мәжилисинде белгилеп алынған «Қайыр-сақаўат ҳәм көмек» улыўма халықлық ҳәрекетин шөлкемлестириў арқалы халықтың бәнтлигин тәмийинлеў ҳәм социаллық қоллап-қуўатлаў илажлары бойынша белгиленген ўазыйпалардың орынланыўы ҳаққында»ғы мәселе көрип шығылды. Буннан соң, 4 сектор басшысының есабатлары тыңланып, депутатлар тәрепинен бир аўыздан мақулланды. Сессияға қатнасқан Сенат ағзасы ҳәм Жоқарғы Кеңес депутатлары тәрепинен пикир ҳәм усыныслар билдирилип, сессия өз жумысын жуўмақлады.