Сайтка кириу

Киши бизнес ҳәм жеке исбилерменликти раўажландырыў

Өзбекстан Республикасы Президентиниң 2016- жыл 5 -октябрьдеги “Исбилерменлик жумысларының тез пәтлер менен раўажланыўын тәмийинлеўге, жеке меншик мүликти ҳәр тәреплеме қорғаўға ҳәм исбилерменлик орталығын сапа жағынан жақсылыў бойынша қосымша ис-илажлар ҳаққында”ғы Пәрманы қабыл етилиўи менен мәмлекетимизде ҳәрекет етип турған исбилерменлерге өз жумысларын әмелге асырыў бир қатар қолай шараятлар ҳәм жеңилликлер берилди.

Киши бизнес ҳәм жеке исбилерменликтиң тез пәтлер менен раўажланыўын тәмийинлеў, жеке меншик мүликти қорғаў ҳәм олардың жумысларына араласпаўы кепилликлериниң ҳуқықый механизмлерин жәнеде беккемлеў, исбилерменликти раўажландырыў жолындағы бюрократиялық тосықларды сапластырыў, республикада инвестиция ҳәм исбилерменлик орталығын жақсылаў мақсетинде, киши бизнес ҳәм жеке исбилерменликке кең еркинлик бериў, олардың жумысларына мәмлекетлик органларының араласыўын түптен қысқартырыў, ҳуқықбузарлықлардың өз ўақтында алды алыныўын тәмийинлеў, олардың профилактикасы нәтийжелигин асырыў ҳәм ҳуқықбузарлықларға жол қоймаў исбилерменлик жумысларын жәнеде раўажландырыў дағы мәмлекетлик сиясатының тийкарғы жөнелиси ҳәм мәмлекетлик органларының биринши дәрежели ўазыйпасы етип белгиленди.

Өзбекстан Республикасында исбилерменлик жумысларының тез пәтлер менен раўажланыўын тәмийинлеў, жеке меншик мүликти ҳәр тәреплеме қорғаў ҳәм исбилерменлик орталығын сапа жағынан жақсылаўға қаратылған комплекс илажлар дәстүри тастыйықланды.

Исбилерменлик субъектлерин режеден тысқары тексериўлердиң барлық түрлери бийкар қылынды, юридикалық шахслардың сапластырылып атырғанында, сондай -ақ физикалық ҳәм юридикалық шахслардың нызамшылық талаплары бузылғанлығы жағдайлары бойынша берген мүрәжатлары тийкарында тек ғана Қадағалаўшы органлар жумысларын муўапықластырыўшы Республика кеңеси қарарына муўапық өткерилетуғын қысқа мүддетли тексериўлер буған киритилмейди;

исбилерменлик субъектлери жумысларын, соның ишинде, жынаят ислери шеңбериндеги алтернативалық тексериўлердиң барлық түрлери бийкар етиледи;

финанслық-хожалық жумысларын әмелге асырыўда биринши мәрте ҳуқықбузарлықлар еткен исбилерменлик субъектлери ҳәм олардың қәнийгелери жол қойылған нызам бузыўшылықларды нызам ҳүжжетлеринде белгиленген мүддетлерде ықтыярлы түрде сапластырған ҳәм жеткизилген материаллық зыянды қаплаған ҳалда, адамлардың ден саўлығы ҳәм өмирине зыян жеткерилген жағдайлар буған киритилмейди, административлик ҳәм жынайый жуўапкершиликтен, жәриймалар ҳәм финанслық санкциялар (пенядан тысқары) қолланылыўынан азат етиледи.

Районлық статистика бөлими.