Сайтка кириу

Халықтың турмысын жақсылаӯ жолында

Бүгинги күнде  жәрдемге мүтәж деп табылған шаңарақларға социаллық жәрдем берилиӯи, олардың турмысын аз ғана болсада жақсылаӯға түртки болады.

Сондай-ақ Халықтың социаллық жәрдемге мүтәж қатламын азайтыӯда  халықтың бәнтлигин тәмийинлеӯ бүгинги күнниң баслы ӯазыйпасы.   Сонлықтан халықтың  бәнтлигин тәмийинлеӯде аймақларда бир қанша жойбарлар әмелге асырылмақта.

Атап айтқада  ҳәзирде бир ғана «Кеңес» аӯыл пуқаралар жыйыны аймағында жәмийетшилик тийкарда ис ҳақы төленетуғын 100 штат кесими белгиленди. Халықтың социаллық жәрдемге мүтәж қатламын усындай жумысларға қамтыӯ арқалы, олардың турмыс шараятының бир қанша жақсыланыӯына себеп болады ҳәм бул пуқаралар усы жылдың 1-май сәнесинен баслап жумыс баслайды.

Район ҳәкимлиги тәрепинен «Кеңес» аӯыл пуқаралар жыйыны аймағында жасаӯшы социаллық жәрдемге мүтәж шаңарақларға үй алды қыйтақ жери ушын палыз егинлериниң  90 қуты нәллери  берилди.

Жаслар аӯқамы Шымбай районлық Кеңеси тәрепинен дүзилген волонтёрлар топары палыз нәллерин үйлерге жеткерип бериӯде жақыннан жәрдем бермекте.

Аймақ турғынларынан бири Ембергенов Әзиз мәмлекетимиз тәрепинен берилип атырған бундай итибардан миннетдар екенлигин ҳәм үй алды егислик қыйтақ жерден үнемли пайдаланып, косымша дәрамат алыӯды режелестирип атырғанын билдирди.