Сайтка кириу

Районымыздағы 70 хожалықа газ плиталары ҳәм газ баллонлары тапсырылды

Районымызда халықтың  кең қатламын социаллық, материаллық ҳәм руўхый жақтан қоллап-қуўатлаў мақсетинде Өзбекстан Кәсиплик аўқамлары Федерациясы тәрепинен районымыз аймағындағы кем тәмийинленген шаңарақлар ҳәм солар қатары тәбийғый газ жетип бармаған 70 хожалыққа заманагөй газ плиталар ҳәм 36 газ баллонларын тапсырыў мәресими болып өтти. Мәресимде Өзбекстан Кәсиплик аўқамлары Федерациясының Қарақалпақстан бөлиминиң жетекши қәнигеси Еркинбай Утепбергенов, район ҳәкиминиң орынбасары Убайхан Қалилаев, «Мәҳәлле» қайырқомлық жәмийетлик фонды районлық бөлими баслығы Бахытлы Абдуллаев, аўқамның районлық бөлими баслығы Ильяс Сапаровлар шығып сөйледи ҳәм  Президентимиздиң кем тәмийинленген шаңарақларды қоллап-қуўатлаў халықтың турмыс абаданлығын асырыў жолындағы қайырлы ислер екенлигин айтып өтти.

Буннан соң газ плиталар ҳәм газ баллонлар өз ийелерине салтанатлы түрде тапсырылды.