Сайтка кириу

«Жаслар — келешек қурыўшысы»

Елимизде пуқаралардың бәнтлигин тәмийинлеў мақсетинде турақлы түрде мийнет ярмаркалары өткерилип келинбекте.

12-апрель күни Экономика колледжинде «Жаслар — келешек қурыўшысы» атамасында мийнет ҳәм саўда ярмаркасы болып өтти. Оған район ҳәкимлиги, Бәнтликке көмеклесиў орайы, мәкеме-кәрхана, колледж жаслары, сондай-ақ, жумыссыз пуқаралар қатнасты.

Илажда шығып сөйлегенлер  районымыз бойынша ҳәзирги ўақытта 2067 пуқара жумыссыз екенлиги ҳәм бүгинги ярмаркада 17 мәкеме 80 бос жумыс орынлары менен қатнасып атырғанлығын мағлыўмат ушын айтып өтти. Сондай-ақ, илажда исбилерменлер тәрепинен үй-руўзыгершилик буйымлары, стол-стуллар, әйнек-қапы, қурақ көрпеше-төсеклери, кондитер өнимлери, сондай-ақ «Матбуот тарқатыўшы» жуўапкершилиги шекленген жәмийети китап саўдасы көргизбелери менен  қатнасты.